Алдаа оноо, алдар хүнд, хэ­рүүл шуугиан гээд хүний амьд­ралд байдаг бүх л зүйлийг баг­таасан он жил хангирсаж одлоо. Тэр тусмаа 2010 онд улс төрийн амьдрал халуухан болж өнгөрсөнийг дурьдах нь илүүц биз. Учир иймээс ирээдүйгээ харж, цаашид яах вэ гэдгээ ярьсан нь дээр гэж бодлоо. Тэгэхээр урьд оны мэдээллээр бол энэ оны энэ сард халуухан үйл явдлаар улс төрийн амьдрал эхэлж, өрнөнө. 2011 оны нэг­дүгээр сарын дунд арван хо­ногт МАХН-ын онц хурал бол­но, тэдний товлосноор.

Мөн тоо­цоолсноор, энэ сарын 20-нд Ардчилсан намын ээлжит бус хурал хуралдаж, нэлээд шуугиан дэгдээнэ. Ардчилсан намын ээл­жит бус их хурал болдгоороо болбол улс төрийн амьдралд нэ­гэн шинэ хуудас нээж, УИХ-ын гишүүн З.Энхболд намын дарга болж, улмаар хамтарсан Засгийн газраас намаа авч гар­на гэсэн эх сурвалж бий. Өнөө Э.Бат-Үүлийн хэлснээр нам дотроосоо идээлж, идээ бээр нэ­лээд тархаж тахал маяг орох хандлага бий.

Нөгөө талд шинэ оны өмнөхөн Ц.Батбаяр нарын гишүүд ЭБЭХ-ний сайд Д.Зоригтыг огцруулах тухай өргөх бичгийг УИХ-ын даргад өргөн барьсан. Энэ асуудал ч энэ сард шийдэгдэнэ. Харин УИХ-ын ги­шүүн Ш.Сайхансамбуу энэ та­лаар “олон өвчтэй шүднээс нэ­гийг нь сугалаад нэмэргүй, авч хэлэлцвэл бүгдийг нь авч хэлэлцэх хэрэгтэй”-г ч сануул­сан. Магадгүй энэ нь ганцхан Ш.Сайхансамбуугийн санаа ч биш байх. Тэгэхээр З.Энхболд нарын үймээн, Засгийн газрын сайд нарын асуудал яригдах энэ мөчүүд яв цав нийлснээр энэ Засгийн газар тарах ч байж магад. Нэгэнт хөдлөөд гурав дахь оныхоо нүүрийг үзсэн Зас­гийн газрыг тараахгүй барьж байх бодлого МАН-д байж л таар­на. Ардчилсан намын дарга Н.Алтанхуяг нарын хүмүүст ч энэ санаа бий.

Энэ бол тэдэнд ашигтай ху­вилбар байсан учраас тэр. Тэгэ­хээр энэ хоёр хүчин сөрөг энэ тэр гэж анхнаасаа яриагүй, нэг хөнжилд орчихсон юм чинь хамт­­раад тэмцвэл ашигтай, бас их инээдтэй зүйл болно. Их үймээн тэдний дан ганцаар хүчийг мөхөөх учир хамтарч л таарна. Энэ бол арга ядсан инээдтэй зүйл болно. Чухам хамтарсны үр ашиг яаж гара­хыг төсөөлөх аргагүй. Хэрэв үр дагавар муу гарч гэмээнэ Ерөнхийлөгч асан Н.Энхбаярын төлөвлөгөөнд эерэг тусна. 

Гэтэл төрийн эрхийг стан­дарт бусаар барьж байгаа МАН дайс­нуудаасаа сэргийлсэн хам­гаалалт хийхгүй бол МАХН-ын­хан онц их хурлаа хийнэ, та бүхэнд гомдогсодын цуваа хур­лын танхимыг бүү хэл гад­на талбайг дүүргэнэ гэдэгт олон хүн эргэлзэхгүй байгаа. Магадгүй Монгол Улсын хэм­жээнд ч яригдах юм билүү хэн мэдлээ. Тэд ч намынхаа нэрийг сэргээж, онц их хурал хийнэ гэдэгтээ эргэлзэхгүй байна.

 Тий­мээс эрх баригч намын хувьд нэг талаас Засгийн газар тарах нөгөө талаас нам тарах гэсэн хоёр асуудалд хавчуулагдах нь гарцаагүй болсон. Ёстой өнөөх “Хадны завсар хавчуулагдсан халиуны зулзага” болно. Гагц­­хүү Ардын намын журамт цэр­­гүүд яаж хамгаалж үлдэх үү гэдэг дээр л хамаг асуудал төв­лөр­нө. Энэ оны улс төрийн амьдрал ингэж эхлэнэ. “Дайны хажуугаар дажин” гэдэг шиг иргэний хөдөлгөөнүүд ч дуу орж, үймээн дэгдээнэ. Нэг хэ­сэг иргэний хөдөлгөөнүүд нэг­дээд “Гал үндэстэн” нэгдэл байгуулсан. Тэд мөн сард Удир­­­­дах зөвлөлөө хуралдуулж тэр­­гүүнээ сонгоно. Тэргүүнээ сонгосны дараа үндсэн том хурлаа хийнэ. Тэд баруун таван аймагт иргэдийн төлөөлөлтэй уулзаад ирсэн төдийгүй үлд­сэн аймгуудад ч очиж дэм­жигч­дийн­хээ хүрээг тэлнэ хэмээ­сэн.

Түүнчлэн “Эрс шинэчлэл” хө­дөлгөөн энэ сард Таван­толгойн гэрээг буруу гэсэн үндэслэлээр улс төрийн тэмцлээ эхлэнэ гээд жижиг юм шиг хэрнээ том тулаанууд эхлэнэ. Нөгөө талд У.Хүрэлсүхэд гомдсон МАСЗХ-ны Ерөнхий нарийн бичгийн дарга асан Ж.Мөнхбат, НИТХ-ын төлөөлөгч М.Ганбаатар на­рын залуус ч намынхаа эсрэг босч, магадгүй МАХН-ын штаб­тай нийлнэ гэсэн баттай эх сурвалжийг манай сонин хүр­гэж байсан. Гэтэл АН-ын бодлого, удирдлага болохгүй тухай ярьсаар бий болсон “Ээлжит бус их хурлын төлөө” хөдөл­гөөнийхөн ч дуулиан шуу­гианд цучил өргөөд дүрэлзэх нь дамжиггүй. Энэ мэт иргэний хөдөлгөөний дуу хоолойг хур­цат­гаж, тэднээр дамжуулан, Үйлд­вэрчний эвлэлийн С.Ган­баа­тар нарын хүмүүс шоугаа хийс­нээр энэ оны улс төрийн амьдрал ширүүхэн өрнөх нь. Хамгийн ойрын эх сурвалжийн хэлж байгаагаар бол сэтгүүлч Г.Уянга тэргүүтэй “Ард түмний амлалт нэхэх холбоо” орон ну­тагт тойрсон аяллынхаа үр дүнг хэлэлцэж, Засгийн газарт танилцуулна гэдгээ хэлсэн. Танилцуулах ч юу байхав, юу­гаа ч танилцуулахав, нөгөө су­раг алдраад буй М.Энхсайхан ичээнээсээ гарах гэж буй дохио энэ. Одоо гарах болсон юм биш үү гэдэг дохиог ч Н.Энхбаяр өг­нө. Эх сурвалжийн хэлж байгаа­гаар бол энэ холбоо МАХН-ын түр штабтай онь холбон МАН руу довтлоно. Энэ бол аюул. Тэгэхээр Ардын намын жу­рамт “цэргүүдээ сонсоцгоо”. Та нар энэ онд маш олон дай­сантай, дотроосоо гарсан таг­нуул­чидтайгаар улс төрийн тулаанд оролцох нь, мэдээж их эрсдэл хүлээж байгаа. Энэ онд улс төрийн амьдрал ингэж эхэлж, үргэлжилнэ. Ахин хэлэ­хэд Ардын намын журамт “цэр­гүүдээ сонсоцгоо”.

Зохиогчийн эрх:
"Монголын мэдээ" сонин