Сонгинохайрхан дүүргийн 13 дугаар хороонд байрладаг 1-р хорооллын 10 дугаар байрны суурийн давхар дахь гаражаас утаа гарч байна гэсэн мэдээлэл өчигдөр 07:09 цагт иржээ. Цагдаагийнхан шалгахад “Эмүүжин” ХХК-ийн 45 автомашины багтаамжтай гаражид 05:00 цагийн үед гал гарч, тус хорооны иргэн 37 настай эмэгтэй Ө-гийн эзэмшлийн УБН 18-71 дугаартай Nissan HRV машин бүрэн, иргэн 35 настай эрэгтэй Т-гийн эзэмшлийн УНА 32-62 дугаартай Мазда машины арын хэсэг шатсаныг унтрааж, тус байрны 4-р орцны 75 оршин суугчийг утаажилтын бүсээс, 51 автомашиныг гал түймрийн аюулаас гаргасан байна. Уг хэргийг дүүргийн цагдаагийн хэлтэст үргэлжлүүлэн шалгаж байна.
С.Отгон