Архи хэтрүүлэн хэрэглэж танхайрчээ
Өнгөрсөн амралтын хоногуудад нийслэлийн хэмжээнд архи хэтрүүлэн хэрэглэж танхайрсан хэрэг 33 бүртгэгдсэн байна. Сүхбаатар дүүргийн 6 дугаар хорооны нутагт зодоон болоод байна гэсэн мэдээллийг 12-р сарын 31-ний 23:50 цагт ирүүлснийг шалгахад, тус хорооны иргэн 32 настай эмэгтэй С-ыг нөхөр 32 настай Н гэгч архи хэтрүүлэн хэрэглэж, согтуурсан үедээ бусадтай хардан зодож гэмтээж, танхайрсныг таслан зогсоожээ. Мөн Чингэлтэй дүүргийн 1 дүгээр хороонд байрлах “Face” баарны орчимд 12-р сарын 31-ний 02:30 цагт тус дүүргийн иргэн 27 настай эрэгтэй Н-ийг Нийслэлийн ХАА-н газарт ажилладаг 27 настай эрэгтэй Ө гэгч согтуурсан үедээ шалтгаангүйгээр зодож, танхайрсан байна. Дээрх хэргүүдийг дүүргийн цагдаагийн хэлтэст үргэлжлүүлэн шалгаж байна.
Охид зодолджээ
РС тоглоомын газарт охид зодолдож, танхайрсан хэрэг Чингэлтэй дүүрэгт гарсан байна. Тус дүүргийн 16 дугаар хороонд байрлах РС тоглоомын газарт өнгөрөгч сарын 31-ний 13:00 цагийн үед 72-р сургуулийн сурагч 14 настай эмэгтэй И-г Сүхбаатар дүүргийн долдугаар хорооны иргэн 15 настай эмэгтэй С, Чингэлтэй дүүргийн 16 хорооны иргэн 15 настай эмэгтэй С нар бүлэглэн зодож танхайрсныг, цагдаагийн алба хаагчид таслан зогсоож, хэргийг Чингэлтэй дүүргийн цагдаагийн хэлтэст үргэлжлүүлэн шалгаж байна.