Монгол хүний оюун ухаан, мэдлэг чадварыг дэлхийд гайхуулж яваа шилдэг
залуусын нэг нь “Ньюком” группийн гүйцэтгэх захирал Б.Болд яах аргагүй
мөн. Тэрбээр сүүлийн 10 гаруй жилийн турш АНУ-ын “JP Morgan” компанийн
Хөрөнгө оруулалтын банкинд удирдах албан тушаал хашсан энэ салбартаа
чамгүй туршлагатай нэгэн юм. Б.Болд “JP Morgan”-д ажиллах хугацаандаа
IPO, LBO, M&A чиглэлээр Blackstone, Warburg Pincus, KKR, Apollo
зэрэг АНУ-ын тэргүүлэх компаниудад санхүүгийн зөв­лөгөө өгч байв. Мөн
хэд хэдэн оронд 30 гаруй хэлцэл амжилттай гүйцэтгэжээ. Ха­рин 2009 оны
сүүлчээс монголчуудын өмнөө барьдаг цөөн компанийн нэг болох “Ньюком”
группийн гүйцэтгэх захирлаар ажиллаж байгаа юм.

Манай улс хөрөнгийн зах зээлийн салбараа хөг­жүүлэх гэж гадаадын
мэр­гэжилтнүүдийн гарыг харж, үйлээ үзэж байгаа. Харин хоёр он солигдох
энэ торгон агшинд Төрийн өмчийн хороо нэгэн чухал шийдвэр гаргалаа. Энэ
нь Монголын Хөрөнгийн биржийн ТУЗ-ийн дарга Л.Ганбатыг дэлхийд хүлээн
зөвшөөрөгдсөн СЕО Б.Болдоор солих шийдвэр байсан юм. Ийнхүү Б.Болд
захирал Монголынхоо хөрөнгийн зах зээлийг хөгжүүлэх гол механизмыг
хөдөлгөх эрхтэй боллоо. Түүнчлэн “СЕО коллеж” багаас түүнийг 2010 оны
Шилдэг СЕО-р шалгаруулсан.

Зохиогчийн эрх:
"Улс төрийн тойм" сонин