Хүнсний худалдаа эрхлэгчдийн нэгдсэн холбооноос Улсын тэмдэгтийн хураамжийн тухай хууль бизнес эрхлэгчдийн эрх ашгийг зөрчсөн хэмээн үзэж байгаа юм. Өмнө нь найман нэрийн барааны дэлгүүрт олгох тусгай зөвшөөрлийн тэмдэгтийн хурамж гэж жилд 16500 төгрөг төлдөг байсан бол 2010 оны арваннэгдүгээр сард батлагдсан Улсын тэмдэгтийн хураамжийн тухай хуулиар 10 сая 250 мянган төгрөг төлөх болж байгаа юм.   Нэг дэлгүүр, ажлуулахад 2-5 хүнийг ажлын байраар хангадаг. Гэтэл энэ хууль батлагдсанаар тус байгууллага аж ахуй нэгжүүд уналтанд орж дээрх иргэдийг ажлын байраа алдахад хүргэж буйд тус холбооныхон гомдолтой байна.