Английн нэрт дуучин Элтон Жон болон түүний хамтран
амьдрагч Канадын кино зохиогч Девид Фуниш нар өчигдөр хүүтэй болсон тухайгаа
албан ёсоор зарлажээ. Тэд хүүдээ Закари Жексон Левон Ферниш-Жон хэмээх урт нэр
хайрласан байна.

“Бид үнэхээр аз жаргалтай бас бахархалтай эцгүүд болж байна.
Энэхүү баярт үйл явдал бид хоёрыг бараг шоконд орууллаа. Закари хүү маань эрүүл
сайн байгаа” хэмээн тэд ярьжээ.

Өнгөрсөн жил поп дуучин Элтон Жон Украйнаас ДОХ-ын
халдвартай, 14 сартай бяцхан хүү үрчилж авахаар хөөцөлдсөн боловч амжилттай
болоогүй. Түүний хүсэлтийг Украины Засгийн газар зөвшөөрөөгүй билээ.

Н.Наран