Хөгжлийн бэрхшээлтэй хүүхдийн сүлд модны “Тулах цэг” наадамд оролцогчдод Хүүхдийн төлөө үндэсний зөвлөлийн дэд тэргүүн, Монгол Улсын Шадар сайд М.Энхболд шинэ жилийн баярын бэлэг гардууллаа. Шадар сайд М.Энхболд хүүхдүүдэд Монгол Улсын Засгийн газрын нэрийн өмнөөс болон хувиасаа шинэ оны баярын мэнд дэвшүүлж, сайн сайхныг хүсэн ерөөлөө.

Хүүхдийн төлөө Амьдрах ухаан төв, Италийн Айфо байгууллага сүлд модны “Тулах цэг” наадмыг дөрөв дэх жилдээ зохион байгуулсан энэ наадамд хөгжлийн бэрхшээлтэй, эмзэг бүлгийн 150 хүүхэд оролцсон байна гэж Засгийн газрын Хэвлэл, мэдээллийн албанаас мэдээллээ.