Плейбой  сэтгүүлийг үндэслэн байгуулагч, 84 настай саятан  Hugh Hefner  24 настай  Кристал Харристай гэрлэхээр сүй тавьж, хуримын бөгжөө гардуулжээ.

Хефнер  “Кристалд хуримын бөгж гардуулан өгсөн чинь сэтгэл нь хөдөлж, учиргүй их асгартал уйлсан шүү. Энэ нь миний амьдрал дахь  зул сарын хамгийн мартагдашгүй дурсамж боллоо” гэж өнгөрөгч бямба гаригт өөрийн твиттерт бичжээ.

Хефнер 2009 онд өөрийн хоёр дахь эхнэрээсээ 11 жил тусдаа амьдарсны дараа гэрлэлтээ албан ёсоор цуцлуулсан аж. Лос Анжелесийн хэвлэл мэдээлэлд нийтлэгдсэн мэдээллээр тэр Харристай хамт амьдарч байсан  ба бас хоёр ихэр охин Карисса болон Кристина Шэнон нар саятантай хамт амьдардаг байсан юм байна.