Төрийн ордонд яг одоо сурлага, хөдөлмөр, спортын амжилт гаргасан хүүхдүүдийг шагнаж байна. Ерөнхий сайдын нэрэмжит уг шагналаар энэ жил 20 гаруй хүүхдийг шалгаруулан шагнасан аж. Тухайлбал 11 настай А.Уранбаяр шилдэг хүүхдээр шалгарсан аж. Тэрээр  уралдааны замаас төөрч ууланд 11 хоноод ээждээ эсэн мэнд эргэн ирсэн аж. Баян-Уул сумын наадмын өмнөх уралдаанд оролцож яваад төөрч, Хэнтий аймгийн Дадал сумын нутгаас олдсон юм.  Хагас сар шахам ууланд амьдарсан түүнийг энэ нутгийн загасчид олсон байна. Тэсвэр, тэвчээр заан Монгол хүний эр зоригийг харуулсан морины хүүхэд А.Уранбаяр Дорнод аймгийн Баян-Уул сумын малчин Алтангэрэлийн бага хүү гэнэ.

Урлаг, уран бүтээлийн номинац:

• Дорноговь аймгийн Сайншанд сумын Хоёрдугаар сургуулийн долдугаар ангийн сурагч Батхүүгийн Билгүүн
• Булган аймгийн Булган сумын харьяат, Эрээн хотын Монгол үндэсний дунд сургуулийн сурагч Батбаярын Долгор
• Нийслэлийн “Олонлог төв” сургуулийн сурагч Алдарцогтын Орхонтуул

Сурлагын амжилт, танин мэдэхүйн номинац:

• Ховд аймгийн Жаргалант сумын Нэгдүгээр сургуулийн сурагч Алтангэрэлийн Баясгалан
• Нийслэлийн Нэгдүгээр сургуулийн сурагч Батсайханы Батхуяг

Хүмүүнлэг, энэрэнгүй үйлс номинац:

• Дорноговь аймгийн Сайншанд сумын Нэгдүгээр сургуулийн сурагч Нямдоржийн Нямбаяр

Хүүхдийн өөрийн удирдлагын байгууллага, хөдөлгөөн номинац:

• Баянхонгор аймгийн Номундалай цогцолбор сургуулийн сурагч Баярсүрэнгийн Билгүүн
• Говь-Алтай аймгийн Есөнбулаг сумын 1-р сургуулийн сурагч Адъяагийн Цолмончимэг

Бүтээлч, мэргэжлийн чиг баримжаа номинац:

• Нийслэлийн Ирээдүй цогцолборын 1-р ахлах сургуулийн сурагч Отгонбаярын Оюунтөгс

Биеийн тамир, спортын номинац:

• Өмнөговь аймгийн Даланзадгад сумын сурагч Отгончулууны Сүхболд
• “Галакси” дунд сургуулийн сурагч Өлзийбаярын Дүүрэнбаяр
• Нийслэлийн 45 дугаар сургуулийн сурагч Даваадэмбэрэлийн Номин-Эрдэнэ
• Дархан-Уул аймгийн “Оюуны ирээдүй” цогцолбор сургуулийн сурагч Бат-Эрдэнийн Оюунсувд
• Харааны бэрхшээлтэй хүүхдийн тусгай сургуулийн сурагч Пүрэвийн Болортуяа
• Биеийн тамирын дээд сургуулийн оюутан Баатарзоригийн Батцэцэг
• Биеийн тамирын дээд сургуулийн оюутан Ганбатын Эрдэнэболд
• Нийслэлийн Нэгдүгээр сургуулийн сурагч Мөнхбаатарын Нямжаргал
• Төв аймгийн Зуунмод хотын “Хүмүүн” цогцолбор сургуулийн сурагч Батхүүгийн Сумъяабазар
• Баян-Өлгий аймгийн Бастама ахлах сургуулийн сурагч Хуатын Ерган

Эр зориг, авхаалж самбаа номинац:

• Дорнод аймгийн Баян-Уул сумын сурагч Алтангэрэлийн Уранбаяр

Э.Амгалан