Халхын Түшээт хан Гомбодоржийн хөвгүүн, Халхын анхдугаар Богд, Төр шашны нэрт зүтгэлтэн, аугаа их соён гийгүүлэгч Өндөр гэгээн Занабазарын нэрэмжит Өвөрхангай аймгийн Онцгой хүндэт шагнал “Алтан соёмбо” одонгийн журмыг ИТХ-ын ээлжит VIII хуралдаанаар оруулж баталлаа. Өндөр гэгээн Занабазарын нэрэмжит шагналаар Монгол улсын төр, нийгэм, оюуны салбарт онцгойрсон амжилт үзүүлж, дэлхий дахинд болон улсынхаа хэмжээнд нэр алдраа цуурайтуулахуйц бүтээл туурвил гаргасан, хүнлэг иргэний нийгэм төлөвшүүлэхэд бодитой хувь нэмрээ оруулсан соёл урлаг, шашны салбарын алдартнууд, төрийн зүтгэлтнийг шагнах, алдаршуулахад орших бөгөөд Монгол улсын нутаг дэвсгэрт ажиллаж байгаа төр, нийгэм, урлаг соёл, шашны бүхий л салбарыг хамруулан жилд нэг удаа нэг хүнд хүртээх аж. Шагналыг одон, үнэмлэх, нэг сая төгрөг дагалдана.