УИХ-аас Гол, мөрний урсац бүрэл­дэх эх, усны сан бүхий газ­рын хамгаалалтын бүс, ойн сан бүхий газарт ашигт малтмал хайх, ашиглахыг хуулиар хориг­ло­сон.  Энэ хуулиас болж дээрх газ­руу­дад олгогдсон хайгуу­лын болон ашиглалтын 1250 лицен­зийг цуцлах жагсаалт УИХ-аас гаргаж, эхний ээлжинд алт­ны 254 компанийн лицензийг түтгэдзүүлэхээр  болсон. Энэ нь алт­ны компа­ниу­дын лицензийг барь­цаалж зээл олгосон арилжааны банкуудад хүндээр тусах магад­лал үүсгээд буй юм. Энэ талаар Монголбанкны Тэргүүн дэд ерөн­хий­лөгч Б.Жавхлангаас тодрууллаа.

-“Урт нэр”-тэй хуулийн да­гуу 254 алтны компанийн лицен­зийг хураа­хаар болсон. Энэ нь арил­жааны банкуудад чанаргүй зээл үүсгэх нөхцлийг бүрдүүлж байна гэж байгаа. Энэ тал дээр та ямар бодолтой байна вэ?

-Арилжааны банкууд уул уур­хайн компаниудад нийт 163 тэрбум төгрөгийн зээл олгосон байдаг. Одоо лицензээ хураалгахаар бол­­чих­­сон компаниуд энэ зээ­лийн тодорхой хэсгийг эзэлж бай­­гаа нь мэдээж. Яг хэдий хэр гэд­гийг одоохондоо гаргаагүй бай­на. Гэхдээ энэ шийдвэр нь арилжааны банкуудад ямар нэгэн байдлаар нөлөөлж, эрсдэл үүсгэж болзошгүй. Монголбанкнаас энэ талаарх байр сууриа Засгийн га­зарт илэрхийсэн байгаа.

-Чанаргүй зээлийн хэмжээ энэ онд ямар байна вэ?

-Чанаргүй зээлийн хэмжээ буурч байгаа. Гэхдээ энэ асуудлыг хоёр хэсэг хувааж ярихаас өөр арга­гүй болчихсон. “Анод” болон “Зоос” банкны чанаргүй зээлийг оруулбал одоогоор чанаргүй зээ­лийн хэмжээ 19 хувьтай байна. Харин хасвал долоон хувийн үзүү­лэлт­тэй гарах юм.

Р.САРАНГОО