Шинэ жилийн улирал өрнөж буйтай холбогдуулан “Little Fockers” инээдмийн кино хамгийн их үзэгчдийн анхаарлыг татаж байгаа ба өнгөрсөн долоо хоногийн box office-т 34 сая долларын орлогоор тэргүүлжээ. Уг киноны гол дүрд Ben Stiller, Robert De Niro нар тоглосон ба өнгөрсөн лхагва гаригт нээлтээ хийсэн юм. Уг киноны өмнөх хоёр анги нь мөн л шинэ жилийн үеэр нээлтээ хийж, үзэгчдийн хүртээл болж байсан ба ашиг орлогоороо дээгүүрт бичигдэж байсан юм.
Харин өмнөх долоо хоногт нэгдүгээр байрт орж байсан “Tron” энэ долоо хоногт гуравдугаар байр хүртэл ухарч 20 саяын орлого олжээ. Тэсрэлт хийнэ хэмээн мэргэжилтнүүд таамаглаад байсан оддын цугларалт болсон "The Fighter" кино төдийлэн амжилттай байсангүй жагсаалтын зургадугаарт бичигджээ.
Мөн энэ жилийн Оскараас хамгийн их шагнал авах магадлалтай “Black Swan” гэр бүлээрээ үзэхэд арай хүндэдхээр сэтгэлзүйн драм учраас энэ улиралд үзэгчдийн сонирхлыг бага татаж байна.

Ингээд шилдэг 10 киноны жагсаалтыг хүргэе.

1. "Little Fockers," $34 сая  
2. "True Grit," $25.6 сая
3. "Tron: Legacy," $20.1 сая
4. "The Chronicles of Narnia: The Voyage of the Dawn Treader," $10.8 сая
5. "Yogi Bear," $8.8 сая
6. "The Fighter," $8.5 сая
7. "Gulliver"s Travels," $7.2 сая
8. "Black Swan," $6.6 сая
9. "Tangled," $6.5 сая
10. "The Tourist," $5.7 сая