Монгол улсын Засгийн газраас баримтлаж буй бодлогын хүрээнд “Багийн хөгжлийг дэмжих” хөтөлбөрийн дагуу аймгийн Засаг даргын тамгын газраас засаг захиргааны анхан шатны нэгж болох шилдэг багуудыг шалгаруулах ёслол боллоо. Хөдөөгийн тэргүүний шилдэг багаар Баян-Уул сумын II баг тэргүүн байран шалгарсан бол Цагаан-Овоо сумын II баг, Халхгол сумын Ялалт баг удаах байранд шалгарлаа. Харин сумдын шилдэг багаар Дашбалбар сумын Улз баг, Хэрлэн сумын I баг, Хэрлэн сумын IX баг тус тус шалгарсан байна.