Есдүгээр сарын 24-нд Индонези улсын эмэгтэй 8,73 кг жинтэй аварга хүүхэд төрүүлжээ. Гэхдээ энэ нь Арканзас мужид байгаа эмэгтэйн хажууд тийм ч хачин зүйл биш. Учир нь 31 настай Жулиа Гровенбург гэх эмэгтэй давхар жирэмсэлсэн байна. Ихрүүд биш ээ. Тэрбээр хоёр долоо хоногийн зайтай дахин жирэмсэлсэн аж. Ийм зүйл байдаг гэж үү?

Суперфетаци гэх энэ үзэгдэл ердөө 10 удаа бүртгэгдэж байжээ. Гровенбургийн хувьд эхний жирэмслэлт болох охиноо Жиллиан хэмээн нэрлэхээр төлөвлөж байгаа бол хоёр долоо хоногийн дараах жирэмслэлтийн хүүг Хадсон хэмээн нэрлэх юм байна. Хүүхдүүд хоёр өөр өдөр төрнө. Охин арванхоёрдугаар сарын 24-нд төрөх бол Хадсон нэгдүгээр сарын 10-нд мэндлэх ажээ. Төрөлт хэвийн байх болно гэж эмч нар мэдэгдэж байна.

Хамгийн сүүлийн тохиолдол 2007 онд Британид болжээ. Гурван сарын зайтай төрсөн хоёр хүүхэд хоёулаа эсэн мэнд төрсөн байна.

Э.Очирт