Олон улсын улаан загалмайн холбоо Кашмир дахь Энэтхэгийн аюулгүйн хүчин хүн тамлах хэрэгслүүдийг өргөн ашиглаж байгааг харуулсан нотлох баримтыг АНУ-ын дипломатчидад илгээжээ. 2002-оос 2004 онд Кашмирын цагдан саатуулах газраар улаан загалмайн ажилчид очих үед цохиур, цахилгаан хүчдэлд цохиулах хэрэгсэл, бэлгийн дарамт хүчирхийлэл болон бусад хэрцгийллийн хэрэгслүүд их хэмжээгээр байсныг илрүүлжээ. Энэтхэгийг тухайн бүс нутагтаа хамгийн хэрцгий улс болохыг улаан загалмайгаас мэдэгдсэн байна.
Гэвч Жамму, Кашмирын ерөнхий сайд Омар Абдуллах дээрх хүчирхийллийн хэрэг явдал түүнийг үүрэгт ажлаа хүлээн авахаас өмнөх цаг үетэй холбоотой хэмээн өөрөөсөө бултуулсан байна. Энэтхэг болон Пакистаны дундын засаг захиргаатай Кашмирын бүс нутагт хүчирхийлэл дээд цэгтээ тулсан мэдээ олон улсын анхаарлыг татаж байгаа нь Делигийн хувьд гутамшигтай хэрэг болох юм.
Кашмирт тамлал, харгислалтай холбоотой хурцадамал байдал улам идэвхжиж, нийтийг хамарсан эсэргүүцлийн жагсаал сүүлийн саруудад ихээр болж байна. Улаан загалмайгаас Кашмир дахь цагдан хорих газарт 177 удаа очсон бөгөөд хорих байранд нийтдээ 1,491 хоригдол байжээ.

Б. Энхцэцэг