“Малчдын хөдөлмөр эрхлэлтийг дэмжих хөтөлбөр”-т 15 аймгийн 45 сумыг хамруулсан байна. Хөтөлбөрт 100 хүртэлх толгой малтай, хөдөлмөрийн чадвар бүхий өрхийн гишүүдтэй малчин өрхийг хамруулж нийтдээ 1,5 тэрбум төгрөгийн санхүүжилт хийжээ. Түүнчлэн хөтөлбөр хэрэгжүүлж буй сумдын 500 гаруй малчин өрхийн гишүүдэд мал аж ахуй эрхлэх арга барил, мал эмнэлгийн технологийн сэдвээр сургалт зохион байгуулж, ахмад болон мянгат малчдаар хичээл заалгажээ.