“Эрдэнэс Тавантолгой”-н хувьцааг олон улсын зах зээлд хэрхэн амжилттай гаргах, хэр үнэд хүргэж чадахаа танилцуулах уулзалт өнгөрсөн долоо хоногоос эхэлсэн. Уулзалтыг Төрийн өмчийн хорооны дарга Д.Сугар, “Эрдэнэс Тавантолгой”-н гүйцэтгэх захирал Б.Энэбиш нар ахалж буй юм.  Ажлын хэсгийнхэн өдөрт дөрвөн банкны төлөөлөгчидтэй танилцуулах уулзалтыг хийж байгаа бөгөөд нийтдээ дөрвөн өдөр 16 банкны танилцуулгыг сонсчээ. Уулзалтын салхийг Standart Chartered bank хагалсан бол Gredit Suisse банкны танилцуулгаар өнөөдөр өндөрлөж байгаа юм байна.