Монгол оронд өрнөсөн Ардчилсан хувьсгалын үйл хэргийг өрнүүлэн хөгжүүлэхэд бодитой хувь нэмэр оруулсныг нь өндрөөр үнэлж Монгол Улсын Ерөнхийлөгч Ц.Элбэгдорж зарлиг гарган Нийслэлийн Иргэдийн Хурлын төлөөлөгч Ж.Ганбаатар, М.Ганбаатар, Б.Энх-Амгалан, А.Баянмөнх нарыг Алтан гадас одонгоор шагнасан байна.

Шагналыг Монгол Улсын Шадар сайд М.Энхболд өчигдөр гардуулж өгөв гэж Засгийн газрын Хэвлэл, мэдээллийн албанаас мэдээллээ.