Германы эрдэмтэд нэгэн хүнийг ХДХВ-ын халдвараас эмчилсэн тухай зарласан байна. Хэрэв энэ нь үнэн бол шинжлэх ухааны асар том ололт болох юм. Гэхдээ одоогоор эмчилгээг хийж болох эсэх нь тодорхойгүй байгаа аж. Өнгөрсөн долоо хоногт “Blood” сэтгүүлд өгсөн мэдээлэлд Берлиний Чарите эм зүйн их сургуулийн судлаачид ХДХВ-ын халдвартай төдийгүй дархлалын системийн хорт хавдартай хүнийг хүнийг эмчилсэн тухай бичжээ. Өндөр доозын хими эмчилгээ болон радиацыг ашиглан түүний дархлалын системийг арилгаж, стем эс шилжүүлэн суулгасан байна. Стем эс нь цаашид цусны бөөм болдог аж.

Шилжүүлэн суулгалт 2007 оны хоёрдугаар сард хийгдсэн бөгөөд тэрнээс хойш ХДХВ-ын эмийн хэрэглээг зогсоосон гэнэ. Үүнээс 13 сарын дараа түүнд эс шилжүүлэн суулгах эмчилгээ хийсэн байна. Донорын эс маш ховор, генийн мутацитай бөгөөд төрөлхийн ХДХВ-ын халдвараас дархлаатай байсан гэнэ.

ХДХВ-ын эсрэг эм тариагүйгээр өдгөө гурван жил болж байгаа өвчтөнд одоо ямар ч зовиур, шинж тэмдэг илрээгүй байна. Түүний дархлалын систем энгийн хүнийхтэй ижилхэн болсон гэж судлаачид хэлжээ. Гэхдээ зарим шинжээчид үүнийг практик дээр хэрэглэхэд маш хүндрэлтэй гэж мэдэгдэж байгаа юм.

Э.Очирт