Хөвсгөл аймагт найман настай охиныг хүчирхийлж, амь насыг нь егүүтгэсэн жигшүүрт хэрэг үйлдсэн  болох нь ДНК-ийн шинжилгээгээр нотлогдож шүүхээс ялын дээд хэмжээ сонссон Н.Мөнх-Оргилын давж заалдах шатны шүүхийн шийдвэрийг өнөөдөр өмгөөлөгч Р.Насанжаргал  төлөөлөн авчээ. Түүний өгсөн мэдээллээр шүүгдэгч  Н.Мөнх-Оргил нь Дээд шүүхэд гомдол гаргах хүсэлтэй байгаа гэнэ. Түүний давж заалдах шатны шүүх хурал нийслэлийн Шүүхэд өнгөрөгч нэгдүгээр сарын 25-ны өдөр болж анхан шатны шүүхээс оноосон цаазын ялыг хэвээр баталсан юм. Шүүгдэгч Н.Мөнх-Оргил нь найман настай охиныг хүчирхийлж амийг нь егүүтгэснээс гадна Баянгол дүүргийн нутаг дэвсгэрт бага насны гурван охин хүчирхийлсэн  гэм буруу нь шүүхээр тогтоогдсон билээ.