Говь-Алтай аймагт малын дайсан чоно элбэгшиж, эзгүй хээр битгий хэл аргамжаатай морь барих болсон. Тус аймгийн аль ч сумын нутагт чоно 5-10 тоогоор сүрэглэн явах болсон нь хэвийн үзэгдэл.

Иймээс тус аймгийн олон нийтийн “Алтай” радио иргэд, малчид, анчдад болон сум багуудын удирдлагуудад хандан зургаан удаагийн цуврал нэвтрүүлэг хийж аймгийн хэмжээнд чоно авлах өдөр зохион байгуулахыг уриалсныг аймгийн засаг дарга дэмжиж захирамж,болзол гаргасан юм. Аймгийн хэмжээнд чонын ав үргээлгэ хийх ажлын зургаан хэсэг сумдад ажиллан, бүх багуудын нутаг дэвсгэрийг хамруулан ажилласнаар нийт 104 чоно агнасан байна.