Дэлхийн II дайнаас хойш анх удаагаа Францын нутагт Германы цэргийн суман байрлана. Франц-Германы нэгдсэн бригадын бүрэлдэхүүнд багтах 600 цэрэг Страсбургаас холгүй Илькирш-Граффенстаден баазад байрлах юм.

Герман цэргийг хүлээн авах ёслол өнгөрсөн баасан гаригт тэнд болсон байлаа. Герман цэргийг Францад байрлуулах тохиролцоог Францын ерөнхийлөгч ба Германы канцлер 2009 оны Мюнхены саммитаар хийсэн билээ.

Энэ бэлгэдлийн чанартай алхамыг хоёр орны харилцааг бэхжүүлэхэд зориулж байгаа гэнэ. Өмнө нь Францын цэргийнхэн ийм анги нэгтгэлийн бүрэлдэхүүнд орон Германд байрлаж байлаа.

Ш.Мягмар