УИХ-ын гишүүн, МАХН-ын дэд дарга Ц.Шинэбаяр, ерөнхий нарийн бичгийн дарга Н.Удвал, нарийн бичгийн дарга Л.Цог, МАХН-ын Бага чуулганы гишүүн Ч.Энхээ нарын хүмүүс өнөөдөр 11.10 цагт Улсын дээд шүүхэд намаа бүртгүүлэх өргөдөл, холбогдох бусад материалыг хүлээлгэн өглөө. Нийт найман хавтас материалыг Улсын дээд шүүхийн Иргэний танхимын шүүгч И.Амартүвшин хүлээн авсан юм.

МАХН-ын дарга Н.Энхбаярын гарын үсэгтэй бүртгүүлэхийг хүссэн өргөдөлд иргэд хүсэл зорилгоороо нэгдэж зохион байгуулсан улс төрийн намыг бүртгэж авахыг хүсчээ. МАХН-ын дэд дарга Ц.Шинэбаяр материалыг гардуулахдаа улс төрийн намын болон эвлэлдэн нэгдсэн иргэдийн нууцыг алдагдуулахгүй байхыг хичээнгүйлэн хүссэн юм.

Улсын дээд шүүрх өргөдлийг хүлээж аваад МАХН-ыг бүртгэж авах эсэх тухай хариуг хуулийн дагуу нэг сарын хугацаанд эцэслэн шийдэж өгөх ажээ.

Д.ОЮУН