Санхүүгийн пирамид босгож, олон хүнийг хохироосныхоо хариуд 150 жилийн ял сонссон Бернард Мэдоффын хүү Марк Мэддофф бямба гаригт гэртээ амиа хорлосон байна. Эхнэрээ хотоос түр явсаны дараа тэрбээр ойр дотныхоо хүмүүст и-мэйл илгээж, унтлагынхаа өрөөндөө өөрийгөө дүүжилсэн байна. Цагдаагийнхны мэдэгдсэнээр Марк Мэдоффын хадам эцэг өглөөний 7:30 цагийн үед цогцосыг нь олжээ. Биед нь ямар нэг шарх, гадны нөлөө байхгүй байсан байна.

Флорида руу явсан эхнэр рүүгээ и-мэйл бичиж, хүүгээ асрахыг хүссэн байна. Түүнийг амиа хорлох үед хоёр настай хүү нь хажуугийн өрөөнд унтаж байсан аж. Үхлийн гол шалтгааныг шүүх эмнэлгийн шилжилгээний хариу харуулах аж. Марк Мэдофф аавыгаа шоронд орсноос яг хоёр жилийн дараа амиа егүүтгэсэн юм байна.
Одоо 71 настай Бернард Мэдофф 50 тэрбум ам.долларын санхүүгийн схем босгосны төлөө 2139 оны арваннэгдүгээр сарын 14 хүртэл хоригдох юм.