Афганистаны өмнөд хэсэгт НАТО-гийн зургаан цэрэг буудалцааны үеэр амиа алдсан тухай „Isaf“ байгууллагаас хэлсэн байна. Энэ явдал ням гаригт болжээ. Гэхдээ буудалцаан юунаас болсон болон амь эрсэдсэн цэргүүд аль улсын иргэд байсан талаар мэдээлээгүй байна.

Арваннэгдүгээр сарын 29-нд зургаан цэргийг буудаж хөнөөснөөс хойш нэг удаагийн дайралтад ийм олон гадаад цэрэг амь үрэгдсэн тохиолдол гараагүй байсан юм. АНУ-ын зэвсэгт хүчин Талибын бүлэглэлийг Хелманд болон Кандахар дахь бэхлэлтээс нь гаргахаар дайралт хийж буйгаас болж амиа алдагсдын тоо нэмэгдсээр байгаа аж.

Афганистанд энэ оны хувьд 670 гадаад цэрэг амиа алдсан байна. Харин өнгөрсөн онд 502 цэрэг амиа алдсан аж.