Замын цагдаагийн газрын тусгай дугаар болох 124 дугаарын утсанд одоогийн байдлаар авто тээврийн хэрэгсэлтэй  холбоотой 46 дуудлага иржээ.  Үүнээс авто тээврийн хэрэгслийн ослын улмаас хүн гэмтсэн хоёр тохиолдол гарсан бөгөөд бусад нь тээврийн хэрэгсэлийн ашиглалттай холбоотой болон машин шүргэлцсэн, араас орсон зэрэг дуудлагууд байгаа аж. Өнөөдөр амралтын өдөр тул  нийслэл хотод тээврийн хэрэгслийн хөдөлгөөн сийрэг байна. Тиймээс зам тээрврийн осол, гэмтлийн дуудлага харьцангуй бага байна гэж Замын цагдаагийн газрын жижүүр хэлж байна.

Харин Цагдаагийн ерөнхий газрын 102 утсанд холбогдож амралтын өдрүүдэд гэмт хэргийн дуудлага хэр байгааг асуухад “Энэ талаар одоогоор мэдээлэл өгөх боломжгүй” гэсэн хариултыг өглөө.