Монгол Улсад Хүнсний аж үйлдвэрийн салбар үүсч хөгжсөний 80 жилийн ойн баярыг улс даяар өнөөдөр тэмдэглэж байна. Хүн ардаа эрүүл, аюулгүй хүнсээр хангах үүрэг хүлээн цаг нартай уралдан ажилладаг хүнсчид баярын хурлаа Соёлын төв өргөөнд хийж байна. 15 цагаас эхэлэх баярын хурлын үеэр цөөнгүй хүмүүс төр, засгийн шагналаар шагнуулах бөгөөд дараа нь хүндэтгэлийн концерт тоглох ажээ. Мөн баярын хуралд оролцогчид дурсгалын зураг авахуулж, дурсамжтай үеэ дуран авайд мөнхлөх гэнэ.