УИХ-ын гишүүн Х.Тэмүүжин, Я.Батсуурь нар Сонирхлын зөрлийн тухай хуулийн төслийг санаачлан УИХ-д өргөн бариад байгаа. Хуулийн ач холбогдлыг олон нийтэд таниулах зорилгоор Авлигын эсрэг олон улсын өдрийг тохиолдуулан УИХ дахь Авлигын эсрэг гишүүдийн бүлгээс сэтгүүлчдийн дунд  "Сонирхлын зөрчил Монгол Улсад" сэдвээр нийтлэл, нэвтрүүлгийн уралдаан зарлажээ. Уралдааны талаар мэдээлэл өгөх хэвлэлийн бага хурал өнөөдөр 12.00 цагт Төрийн ордны Г танхимд болно.