Шатахуун экспортлогч орнуудын ОПЕК байгууллага энэ бямба гаригт Эквадор улсад хуралдах юм. Энэ хурлаас даваа гаригт 92 ам.доллах болсон Брент нефтийн үнийг “боломжийн” гэсэн дүгнэлт хийх магадлал өндөр байна. 2008 оны дундуур нефтийн үнэ бараг 150 ам.доллар хүрч байсантай харьцуулахад одоогийн үнэ тийм ч их бус. Гэхдээ хямралаас өмнө баррель нефть дунджаар 65 ам.доллар байсан гэж бодоход бас өөр.
ОПЕК-ийн хувьд нефтийн одоогийн үнэ дэлхийн эдийн засгийн сэргэлттэй холбогдуулан харьцангуй таарсан хэмжээ гэж үзэж байгаа юм. Энэ оны хэмжээнд дэлхий нийтийн эдийн засгийн өсөлт 4.8 хувь байх төлөв харагдаж байна. Сүүлийн гучин жилийн турш 3.3 хувийн өсөлттэй байсан гэж бодохоор эдийн засаг маш сайн байгаа гэсэн үг юм.
Гэхдээ эрчим хүчний үнэ нэмэгдэж байна. “Sociйtй Gйnйrale” банкны тооцоолсноор одоогийн нефтийн өндөр үнэ нь ирэх онд дотоодын нийт бүтээгдэхүүнд нөлөөлж, цаашлаад 2007-2008 он буюу дэлхий нийтийг хамрасан хямралын өмнөх үед хүргэх аюултай байна. Ямартай ч нефтийн үнэ 90 ам.доллараас илүү байхаар байгаа гэж “Financial Times” бичиж байна.