Сүүлийн өдрүүдэд орон нутагт цас их хэмжээгээр орж, зам даваа хаагдсан талаар зарим хэвлэл мэдээллээр яригдаж байна. Увс аймагт цаг агаар ямар байгаа, өвөлжилтийн талаар аймгийн Засаг даргын орлогч Б.Бат-Очироос тодрууллаа.
-Увс аймгийн зарим сумдад их хэмжээний цас орсноос зам даваа хаагдсан мэдээлэл байна. Өнөөдрийн байдлаар Увс аймагт цаг агаар ямар байна?
-Манай аймгийн Малчин, Хяргас, Цагаанхайрхан сумдын нутгаар 30-40 см хүртэл цасан бүрхүүлтэй байгаа ч бусад сумдад цасны зузаан харьцангуй гайгүй байна. Ямар ч зам даваа цасанд боогдоогүй. Цаг агаарын хувьд урьд жилүүдийг бодвол дулаан байна.
-Өвөлжилтийн бэлтгэл, малын тарга тэвээрэг ямар байгаа вэ?
– Өнгөрсөн өвлийн хүйтнээс сургамж авч, аймгийн Засаг даалгавар сумдад үүрэг даалгавар өгч, өвөлжилтийн бэлтгэлийг хангуулсан. Энэ зун нийт нутгаар зуншлага сайхан байсан болохоор малын тарга тэвээрэг ч сайн байгаа.
Д.Долгор