Сомалийн далайн дээрэмчид Сомалийн Ийлээс зүүн тийш 1300 мильд Бангладешийн далбаатай тээвэрлэгч хөлөг онгоцыг дээрэмдлээ гэж Европын холбооны далайн дээрмийн эсрэг хэлтсээс мягмар гаригт мэдээллээ. Далайн дээрэмчид 26 хөлгийн гишүүн бүхий “MV Jahan Moni” онгоцыг ням гаригт дээрэмдсэн бөгөөд хөлгийн багийнхан бүгд Бангладеш иргэд байжээ.

Далайн дээрэмчид одоогийн байдлаар нийт 23 хөлөг онгоц болон 547 иргэдийг барьцаалаад байна. Адены булан нь Европ, Азийг холбосон гол далайн зам бөгөөд нефть тээвэрлэгч хөлгүүд Адены буланг хамгийн түрүүнд дайран өнгөрдөг ажээ. Дэлхийн өдөр тутмын нефтийн нийлүүлэлтийн дөрөв орчим хувь нь тус булангаар дамжин тээвэрлэгддэг байна.

Сомалийн дээрэмчид халдлагуудыг сайтар төлөвлөж үйлдэж байгаа бөгөөд автомат зэвсэг болон пуужингийн хөдөлгүүртэй галт бөмбгүүдийг ашиглаж байна гэж далай тэнгисийн ажилтнууд мэдээлжээ. АНУ тэргүүтэй тэнгисийн холбоотны хүчин Адены буланд байрлаж, хөлөг онгоцнуудыг далайн дээрэмчдийн халдлагад өртөхөөс хамгаадж байгаа ажээ.