Байгаль орчин, аялал жуучлалын яамны Төрийн захиргаа удирдлагын газрын дарга Д.Бямбаа сайдынхаа тушаалыг хуурамчаар үйлдэж Хөвсгөлийн тусгай хамгаалалттай газарт их хэмжээний мод бэлтгэх зөвшөөрлийг найзынхнаа “Бумбах” ХХК-д олгосон хэрэгт АТГ-т шалгуулсан юм. Уг хэргийг Авлигатай тэмцэх газраас шалгаж улмаар Улсын ерөнхий прокуророос харьяалал тогтоож Хөвсгөл аймаг руу шилжүүлсэн байна. Тэрбээр дээрх хэргээс гадна БНХАУ-ын иргэн Ли Шин нартай хамтран их хэмжээний самар гаргахыг завдсан хэрэгт ч холбогдсон юм.