Улсын дуурь бүжгийн эрдмийн театрын уран бүтээлчид ирэх амралтын өдрүүдэд Б.Дамдинсүрэнгийн “Учиртай гурван толгой” дуурийг дахин тайзнаа тоглох гэж байна. Энэ сарын 11, 12-нд тоглох Б.Дамдинсүрэнгийн “Учиртай гурван толгой” дуурийн симфони найрал хөгжмийн урлагийн гавьяат зүтгэлтэн, удирдаач Н.Туулайхүү удирдана.

Театрт энэ сарын 11, 12-нд Дж.Вердийн алдарт “Аида” дуурийг концертын хэлбэрээр тавих байсан ч ирэх дөрөвдүгээр сар хүртэл хойшлуулсан аж. Иймд Монголын үндэсний дуурь болох Б.Дамдинсүрэнгийн “Учиртай гурван толгой” дуурийг тоглохоор болжээ.

Мөн энэ сарын 18-нд Дж.Вердийн “Травиата” дуурь, 19-нд дахин Б.Дамдинсүрэнгийн “Учиртай гурван толгой” дуурьтай. Харин 25, 26-нд П.И.Чайковскийн “Щелкунчик” балетыг тоглох юм.