Дундговь аймгийн хэмжээнд энэ онд бүртгэгдсэн нийт гэмт хэрэг өмнөх оны энэ үеийнхтэй харьцуулахад буурсан үзүүлэлттэй байна.  

Энэ он гарсаар өнөөдрийг хүртэлх
хугацаанд аймгийн хэмжээнд нийт 223 гэмт хэрэг бүртгэгдсэн
нь өнгөрсөн оны мөн үеийнхээс 5.5 хувиар буурчээ. 

Тус аймагт энэ онд үйлдэгдсэн
гэмт хэргийн 39.9 хувь нь иргэдийн өмчийн хулгай, 21.5 хувь нь бусдын бие
махбодид гэмтэл учруулсан, 11.2 хувь мал хулгайлах, 9.4 хувь танхайн гэмт хэрэг
эзэлж байгаа нь бусад гэмт хэргээс өндөр хувийг эзэлжээ.
Аймгийн хэмжээнд гарсан гэмт хэргийг ангиллаар авч үзвэл хүндэвтэр гэмт хэрэг зонхилж байгаа буюу
нийт гэмт хэргийн 56.5 хувийг эзэлж байна.