Үргэлж шинийг санаачилж, үзэгчдийг алмайруулж байдаг дуучин Lady Gaga Грэммийн наадмын тайзан дээр өндгөн дотор сууж, дөрвөн хүнээр тэгнүүлэн орж ирж сюрприз барьлаа. Тэрбээр уг өндгөн дотор орж, гадуураа бүрэн бүрүүлэхийн тулд нийтдээ гурван цаг зарцуулсан бөгөөд хүчилтөрөгчийн масктайгаар амьсгалж байсан байна.

Өндөг хагарч, дуучин бүсгүй дотроос нь алтлаг шар өнгийн хувцастайгаар гарч ирэн дуугаа дуулжээ. тэрбээр хувцаслалт болон өндөгнөөс гарч ирснээ “Энэ бол миний "Born This Way" шинэ синглдээ зориулан хийсэн зүйл. Би хэзээ ч нүд хуурсан хямдхан зүйл хийдэгүй. Энэ бол миний үзэгчдээ хайрладаг хайр. Тэдэндээ зориулсан сэтгэл” хэмээн ярьжээ.

Өдгөө 26 настай дуучин бүсгүй энэ жилийн Грэммийн наадмаас Шилдэг эмэгтэй дуучны шагналыг хүртсэн юм.
Гэрэл зургийг энд, видеог энд дарж үзнэ үү.

Н.Наран