Жил бүрийн арванхоёрдугаар сарын нэгний өдрийг ХДХВ/ДОХ-оос мэргийлэх өдөр болгон тэмдэглэдэг. Энэхүү өдрийг угтан Монголын Хэвлэлийн хүрээлэнгийн хурлын танхимд маргааш 11 цагаас ХДХВ, ДОХ-ын асуудалд анхаарал хандуулах 2010 оны дэлхийн өдөрт зориулсан хэвлэлийн хурал зарласан байна. Хуралд Эрүүл Мэндийн Яамны Төрийн нарийн бичгийн дарга Н.Хүрэлбаатар, НҮБ-ын суурин төлөөлөгч Сезин Синаноглу нар оролцож, ХДХВ, ДОХ-ын өнөөгийн нөхцөл байдалтай холбоотой хамгийн сүүлийн үеийн мэдээлэл өгөх юм байна. Харин  12:00 цагаас цаазаар авах ялын эсрэг дэлхийн хотуудын өдрийг Монгол улсад анх удаа тэмдэглэх гэж байгаа тухай мэдээлэл хийхээр болсон байна. “Амьдралын төлөө хот-цаазаар авах ялын эсрэг хот” аяныг зохион байгуулах бөгөөд мэдээллийг  олон улсын “Эмнести Интернэшнл байгууллага”, “Амьд явах эрхийг хамгаалах үндэсний нийгэмлэг”, “Хэлмэгдэгсэдийн холбоо” өгөх юм байна.