Суут хөгжмийн зохиолч Дж.Вердийн
“Аида” дуурийг Улсын дуурь, бүжгийн эрдмийн театрын уран бүтээлчид тайзнаа амилуулах
гэж байна. Дөрвөн бүлэгт долоон үзэгдэл бүхий “Аида” дуурь нь дэлхийн шилдэг дуурийн нэг юм. “Аида”
дуурийг анх 1871 оны арванхоёрдугаар 24-нд Дж.Боттезинигийн удирдлагаар Каирт,
мөн 1872 оны
хоёрдугаар сарын 24-нд Ф.Фаччогийн удирдлагаар Миланы Ла Скала театрт тогложээ.
Харин дараа нь 1875 оны арваннэгдүгээр сарын 19-нд
Петрбургийн Марийнскийн театрт тоглосон байна. Харин манай улсад анх удаа
Дж.Вердийн “Аида” дуурийг тавих гэж байгаа төдийгүй ирэх арванхоёрдугаар сарын
11, 12-нд концертын хэлбэрээр тавих гэнэ. Дуурь хэлбэрээр нь ирэх дөрөвдүгээр сард тоглохоор бэлтгэл сургуулилтаа хийж байгаа хэмээн Дуурь,
бүжгийн эрдмийн театрын уран бүтээлчид ярьж байна.

М.Дөл