Нийслэлийн Онцгой байдлын газарт өнгөрсөн долоо хоногийн хугацаанд ард, иргэдээс гал түймэр, ослын нийт 51 дуудлага иржээ. Тухайлбал, галын зөрчлийн болон гал түймрийн дуудлага, ахуйн осол гэмтлийн хоёр, зам тээврийн ослын нэг дуудлага тус тус ирсэн аж. Гал түймрийн дуудлагын тухайд нийслэлийн Баянзүрх дүүрэгт ес, Сүхбаатар дүүрэгт найм, Баянгол дүүрэгт долоо, Сонгинохайрхан дүүрэгт долоо, Чингэлтэй дүүрэгт долоо, Хан-Уул дүүрэгт зургаа, Багануур дүүрэгт нэг, Налайх дүүрэгт нэг буюу  нийт найман дүүрэгт гал түймрийн дуудлагатай байсны ихэнх нь гэр байшин шатсан дуудлага байсан гэнэ. Харин гал түймрийн үеэр хоёр хүн угаартаж амь насаа алдсан бол хоёр хүн галыг унтраахад шатаж нас баржээ.