"Хамтын ажиллагааны тухай Монгол Улсын Засгийн газар, Олон улсын шилжилт хөдөлгөөний байгууллага хоорондын хэлэлцээр"-т Байнгын төлөөлөгч, Элчин сайд Л.Оргил, Олон улсын шилжилт хөдөлгөөний байгууллагын Ерөнхий захирал Уиллъям Свинг нар энэ сарын 24-ний өдөр Женев хотно гарын үсэг зурав.

ОУШХБ-ын Ерөнхий захирал У.Свинг Монгол Улс, ОУШХБ-ын хоорондын харилцаа холбоог идэвхижүүлэх, цаашид Улаанбаатар хотноо байгууллагынхаа Төлөөлөгчийн газрыг нээх асуудлыг чухалчлан тэмдэглэж, 2011 оны эхний хагаст Монгол Улсад айлчлахаар төлөвлөж байгаагаа нотолсон байна хэмээн Гадаад харилцааны яамнаас мэдээллээ.