Улсын мөрдөн байцаах газарт шалгагдаж  буй 44 хүнд холбогдох хар тамхины хэргийг хяналтын прокурор нь нэмэлт мөрдөн байцаалтад буцаажээ.  Уг хэрэгт хяналт тавьж буй  нийслэлийн Прокурорын газрын хяналтын прокурор Т.Жадамбаагаас доорхи мэдээллийг авлаа

-Хятад хар тамхи зөөвөрлөдөг бүлэг монголчуудын хэргийг мөрдөн байцаалтад ямар үндэслэлээр буцаав?

– Нэмэлт мөрдөн байцаалт явуулах хэрэгтэй гэж үзсэн байна. Эзэн холбогдогч нь тогтоогдохгүй байна. Сэжигтнүүд нь гадаад амьдардаг гэсэн байх. Манай улс тухайн гадаадын нутаг дэвсгэрт мөрдөн байцаах ажиллагаа явуулах эрхзүйн үндэслэл байхгүй.

– Тэдний талаар хэрхэн мэдсэн бэ?

– Хятадын Гуан жу хот руу Филиппин, Бангладешээс хэсэг бүлэг монголчууд хар тамхи зөөвөрлөж баригдсан хүмүүсийн эцэг эх нь Улсын мөрдөн байцаах газраас Эрүүгийн хэрэг үүсгэн шалгаж байгаа юм байна. Одоогоор яг гэм буруутай эсэхийг тогтоох боломжгүй.