Монгол Улсын Ерөнхийлөгч Ц.Элбэгдорж,  УИХ-ын дарга Д.Дэмбэрэл, Монгол Улсын Ерөнхий сайд С.Батболд нар  өнөөдөр Бүгд найрамдах улсаа тунхагласны 86 жилийн ойг тохиолдуулан  Эзэн Богд Чингис хааны хөшөөнд хүндэтгэл үзүүллээ.  Энэхүү ёслолд улс төрийн намууд, Батлан хамгаалах яам, Зэвсэгт хүчний жанжин штаб, нийслэлийн төр, захиргааны байгууллага, Монгол Улсад суугаа гадаадын дипломат төлөөлөгчийн газар болон иргэдийн төлөөлөл оролцлоо.