Эх нялхсын эрдэм шинжилгээний төвийн Хишгээ, Пагам, Тунгалаг зэрэг нарийн мэргэжлийн эмч нар жирэмсэн төрөлтийн хүндрэлийг удирдах болон эх барихуйн үндсэн тусламжийн стандарт, удирдамжийн чиглэлээр зургаан модуль бүхий таван өдрийн сургалт амжилттай болжээ.
Эхийг эсэн мэнд амаржуулах, жирэмсэн төрөлтийн хүндрэлээс сэргийлэхэд малчин болон алслагдсан газар амьдардаг, амьдралын түвшин доогуур, эрхтэн тогтолцооны эмгэгтэй эхчүүдийг төрөхийн өмнөх амрах байранд амруулах нь нэн чухал асуудал байдаг. Иймд ЭМГ, АНЭ-ийн холбогдох эмч мэргэжилтнүүд АНЭ-ийн эхчүүдийн амрах байрыг өргөжүүлэн, тохижуулах төсөл ЭМЯ-нд өргөн барьсанаар НҮБ-ын Хүүхдийн Сангийн 6,8 сая төгрөгийн санхүүжилтээр аймгийн Нэгдсэн эмнэлэгт дөрвөн ортой иж бүрэн тохижуулсан эхчүүдийн амрах байр үйл ажиллагаагаа эхэлж нээлтээ хийлээ. Эдгээр үйл ажиллагаатай холбогдуулан ЭМЯ-ны эх барих эмэгтэйчүүдийн асуудал хариуцсан мэргэжилтэн Я.Буянжаргал, ЭМЯ-наас хэрэгжүүлж буй үйл ажиллагаа болон эх барих эсэн мэнд амаржихуйн тусламжид анхаарах асуудлаар ярилцлага зохион байгуулжээ. Уг ярилцлаганд ЭМГ-ын удирдлагууд оролцон сургалтанд оролцогчдод 2,5 кредитийн гэрчилгээ гардуулан, эхийн амрах байр болон төрөх тасгийн үйл ажиллагаатай танилцжээ.