Монгол Улсад бүртгэлийн байгууллага үүсэн байгуулагдсаны түүхт 70 жилийн ой тохиож байгаатай холбогдуулан өнөөдөр Улсын бүртгэлийн салбарынханд шагналын хур бууж олон жил үр бүтээлтэй ажлласан тэргүүний ажилтнуудыг   Монгол Улсын Ерөнхийлөгч зарлиг гарган төрийн дээд шагнал Хөдөлмөрийн гавьяаны улаан тугийн одонгоор 3, Алтангадас одонгоор 12, Хөдөлмөрийн хүндэт медалиар 14 хүнийг тус тус  шагнасан байна.

Хөдөлмөрийн гавьяаны улаан тугийн одонгоор  Улсын бүртгэлийн ерөнхий газрын тамгын газрын орлогч дарга  С.Оюунгэрэл, Иргэний бүртгэлийн газрын Бүртгэл, мэдээллийн хэлтсийн дарга Б.Наранцэцэг, Сүхбаатар аймгийн Улсын бүртгэлийн хэлтийн Иргэний бүртгэлийн тасгийн дарга Ц.Буд нар энгэрээ мялаасан бол Алтан гадас одонгоор тус газрын Тамгын газрын дарга Б.Баатарсайхан, Бүртгэлийн хяналтын газрын хяналтын улсын байцаагч Б.Галбадрах, Хуулийн этгээдийн бүртгэлийн газрын улсын бүртгэгч Л.Баатар нарын 12 хүнийг  шагнажээ. Шагналыг  Монгол Улсын тэргүүн шадар сайд Н.Алтанхуяг, Монгол Улсын сайд, Засгийн газрын хэрэг эрхлэх газрын дарга Ч.Хүрэлбаатар, Ерөнхийлөгчийн Тамгын газрын дэд дарга Ч.Сайнбилэг, Улсын бүртгэлийн ерөнхий газрын дарга Л.Мөнхбаатар нар гардуулсан байна.  Мөн улсын бүртгэлийн байгууллагад олон жил үр бүтээл, идэвхи зүтгэлтэй ажилласан 60  хүнийг Улсын бүртгэлийн тэргүүний ажилтан тэмдэгээр шагнаж урамшууллаа.