Дэлхийд тэргүүлэгч Финляндын Nokia корпораци шинэ загварын хоёр гар утсаа албан ёсоор танилцууллаа. Эдгээрийн нэг нь болох Nokia C2-01 загвар нь 3G системд ажиллах тус компанийн хамгийн хямд гар утас байх бол Nokia X2-01 нь QWRTY товчлууртай, үзүүлэлтийн хувьд ч дажгүй, боломжийн үнээр худалдаалагдах гэнэ.

C2-01 болон X2-01 загварууд хоёул Series 40 платформ дээр суурилах юм. Nokia C2-01 нь 2,0 инчийн QVGA дэлгэцтэй, 3,2 мегапикселийн камертай, Bluetooth болон microUSB оролттой. Хөгжим сонирхогчдод таалагдах уг гар утас 3.5 mm audio jack-аас гадна стерео ФМ радиотой ажээ. 2011 оны нэгдүгээр улиралд 70 еврогийн үнээр худалдаанд гарах C2-01 хар, шаргал болон цагаан өнгөний сонголттой юм байна.

Харин Nokia X2-01 загварын тухайд 2,4 инчийн QVGA дэлгэцтэй, QWERTY товчлууртай, VGA камертай, C2-01 загварын адил 3.5 mm audio jack-аас гадна стерео ФМ радиотой ажээ. Зул сарын баярын өмнө худалдаанд гарах энэхүү гар утас хар, саарал болон мөнгөлөг өнгөний сонголттой, 80 еврогийн үнэтэй байх гэнэ.

С.Цэлмэг