Өнгөрсөн баасан гаригт Португалийн Лиссабон хотноо НАТО-гийн хоёр хоногийн саммит нээгдлээ.
Эхний хуралдаанаараа саммитад оролцогсод НАТО-гийн үйл ажиллагаанд оролцон амиа алдагсдын дурсгалыг хүндэтгэв. Үүний дараа тэд шууд л Хойд Атлантын эвслийн ойрын 10 жилийн шинэ үзэл баримтлалыг ярилцан баталлаа. Шинэ үзэл баримтлал нь цөмийн зэвсэггүй дэлхийн төлөө байх боловч одоо нэгэнт байгаа цөмийн зэвсгийг энх тайвныг тогтоон барихад ашиглахад чиглэгдсэн байна. Мөн шинэ төрлийн зэвсгийг харилцан уялдуулж хэрэглэх зэрэг зарчмын асуудлуудыг тэнд хөндөж байна. Энд интернэтээр хийгдэх довтолгоо ч хамаарч байгаа ажээ. Үндэсний батлан хамгаалахын зардлыг багасган эвслийн технологийн боломжийн хүрээнд тэргүүлэх чиглэлээр шинэ зэр зэвсэг бүтээх зэрэг асуудлыг энд тусгажээ. Дараа нь болсон ажлын оройн зоогийн хүрээнд Пуужингийн довтолгооноос хамгаалах системийн талаар ярилцсан байна. Лиссабоны НАТО-гийн дээд хэмжээний уулзалтад 28 орны төр, засгийн тэргүүн нар оролцож байна.
ОХУ-ын ерөнхийлөгч Дмитрий Медведев саммитийн хоёр дахь өдөр хүрэлцэн очив. Орос, НАТО хоёр ойртож байгаа нь эвсэл Оросыг Зөвлөлтийн залгамжилсан гол дайсны нэг гэж үзэхээ больж буй нэн чухал үйл явдлын нэг болж байна.
НАТО-гийн Ерөнхий нарийн бичгийн дарга Андерс Фог Расмуссен Москвад арваннэгдүгээр сарын 3-нд ажлын айлчлалаар ирэхдээ сэтгүүлч нарт Орос, НАТО-гийн хамтран ажиллах чиглэлийг тооцсон байв. Үүнд эхлэн ойртуулаад дараа нь нэгтгэх Пуужингийн довтолгооноос хамгаалах систем, аюулгүй байдлын заналын талаарх нийтлэг дүгнэлт хийх, Афганистаны асуудал зэрэг хэлэгдсэн байв. Лиссабоны саммитийн өмнө талууд ямар ямар асуудлаар ямар буулт бие биедээ хийхээ тодорхойлсон байх ёстой байв.