Дэлхийн хамгийн гүн хэсгийн хөрсөнд судалгаа хийхээр эрдэмтэд ажиллаж байна. Сөнөсөн тэнгис гэгдэх энэ хэсэгт далайн төвшнөөс 1200 метрийн гүнд өрөмдлөг хийж, хагас сая жилийн өмнөх түүхийг нээх ажиллагаа явагдаж байгаа юм. Ням гаригт хөрсний дээж авах ажиллагаа эхэлжээ. Үүний үр дүнд газрын давхаргыг судалж, хагас сая жилийн өмнө дэлхийд юу тохиолдож байсныг мэдэх боломжтой аж.

Жил бүр модонд цагираг үүсдэгийн адилаар далайн гүний хөрсөнд жил бүр хоёр давхрага нэмэгддэг байна. Үүнийг судалснаар тухайн жилийн хур тунадасны хэмжээ, үер, ган гачиг болон газар хөдлөлтийн талаарх мэдээллийг гаргаж авах боломжтой гэнэ.

Сонирхуулахад, Сөнөсөн тэнгисийн ус маш шорвог байдаг ба анагаах увидастай гэгддэг тул жил бүр олон сая жуулчин очдог байна. Түүнчлэн өнгөрсөн онд дэлхийн долоон гайхамшгийг тодруулах санал асуулгад Үхмэл далай 12 дугаарт орж байсан аж.