АНУ-ын Нью-Йорк хотын “Athletic” клубын нэрэмжит, жил бүр уламжлал болгон зохион байгуулдаг бөхийн чөлөөт барилдааны “New York Open” олон улсын тэмцээнд оролцсон Монгол Улсын үндэсний шигшээ багийн тамирчин Э.Ням-Очир мөнгөн медаль хүртжээ. Өнгөрөгч амралтын өдрүүдэд болсон тэмцээний 60 кг-ын жинд зодоглосон тэрбээр гурван барилдаанд дараалан өрсөлдөгчдөө илт давуу ялж, улмаар аваргын алтан медалийн төлөөх барилдаанд ОХУ-ын бөх Расул Муртазалиевт 4:0; 4:1 харьцаатай ялагдсанаар мөнгөн медаль хүртсэн байна.