Жолооч нар  зам тээврийн осол үйлдчихээд хэргийн газрыг орхих тохиолдол сүүлийн өдрүүдэд хэд хэдэн удаа давтагджээ. Тухайлбал, өнгөрсөн гурав хоногт ослын газрыг орхиж зугатсан гурван тохиолдол бүртгэгдсэнээс  хоёр  нь хүний амь нас хохироосон үйлдэл байжээ. Дээрх хэргүүд нь нийслэлийн Сүхбаатар, Сонгинохайрхан дүүргийн нутаг дэвсгэрт  үйлдэгдсэн  байна.

Авто аваарын осол хэрэг нь агшин зуурын санамсар болгоомжгүй байдлаар үйлдэгддэг, энэ чанараар нь хуулиар хүлээлгэх хариуцлагыг хөнгөрүүлэн авч үздэг төдийгүй,  жолоочийн гэм буруу тогтоогдохгүй бол гэмт хэргийн бүрэлдэхүүнгүй гэж авч үзэх тохиолдол ч байдаг гэнэ.

Тиймээс автын осол үйлдсэн бол хэргийн газраас зугтаах үйлдлийг хийхгүй байхыг Замын цагдаагийн газраас жолооч нарт анхаарууллаа. Хэрвээ хэргийн газраас зугатвал санаатай үйлдэл гэж үзэн Эрүүгийн хуулинд “ хүндэвтэр” гэмт хэргийн төрөлд хамааруулахаар  заасан байдаг тул хүлээлгэх хариуцлага хүндэрдэг ажээ.