Баянзүрх дүүргийн 22 дугаар хороонд  өчигдөр 23 цагийн орчим таксины жолоочийг дээрэмдсэн хэрэг гарсан байна. Тус дүүргийн 21 дүгээр хорооны иргэн 37 настай, эрэгтэй Д-г ДАА 93-73 дугаартай Мазда  маркийн машинтайгаа явж байхад баруун 4-н замаас гар өргөж суусан Сонгинохайрхан дүүргийн 14 хорооны иргэн 27 настай М гэгч согтуурсан үедээ бусадтай бүлэглэн дээрэмджээ. Сэжигтэн этгээдүүд жолоочийн хоолойг боомилон зодож,  гар утсыг нь дээрэмдэн зугтаасныг Нийслэлийн хөдөлгөөнт эргүүлийнхэн үйлдэл дээр нь илрүүлэн саатуулсан байна.