Оны эхний арван сарын байдлаар Сэлэнгэ аймгийн орон нутгийн төсвийн орлогын биелэлт 109.8 хувьтай, төсвийн зарлагын гүйцэтгэл  112.4 хувьтай байгаа бөгөөд улсын төсөвт 3274.4 сая төгрөг төвлөрүүлсэн байна. Төсвийн орлогын төлөвлөгөөг Алтанбулаг, Баруунбүрэн, Баянгол, Ерөө, Мандал, Орхонтуул, Сайхан, Сүхбаатар, Түшиг, Цагааннуур, Зүүнбүрэн, Хушаат, Сант зэрэг сумдууд 100.0-392.3 хувиар давуулан биелүүлсэн байхад Орхон, Жавхлант, Шаамар, Хүдэр сумдын төсвийн орлогын биелэлт  82.3-99.9 хувьтай гарчээ.